Bumaba na ng hagdanan si Amberleigh. Magaling na siya kahit may kaunting panghihina pa siyang nadama.
"Manang?" tawag ni Amberleigh kay Manang Rossy. Hangga't maaari ay ayaw niyang mahiga na lang dahil nagpapahirap lubos sa kaniyang katawan.
"Manang?" Muling tawag ni Amberleigh kay Manang Rossy.
Sumulpot naman bigla si Manang Rossy na kagagaling lang sa may likuran ng mansyon.
"Pasensya ka na Iha, may ginagawa pa kasi ako sa likuran kaya hindi kita masyadong narinig," hinging paumanhin ng matanda.
"Ayos lang po Manang. Napakatahimik po kasi ng paligid. Akala ko wala kayo," tugon naman ni Amberleigh.
"Teka, maayos na ba'ng pakiramdam mo dahil bumangon ka na," puna ni Manang Rossy kay Amberleigh.
"Opo. Ayos lang po ako. Mabuti na ang kalagayan ko. Huwag niyo na po akong alalahanin,"
