Pagkababa ni Patrick ng hagdanan ay agad na sumalubong sa kaniya si Ginang Lina. Kalalabas lang nito galing dirty kitchen ng antigong mansyon. Kahahain lang pala nito ng agahan.
“Kumain ka na dahil pagkatapos ay may pag-uusapan tayo,” turan ni Ginang Lina kay Patrick.
“Me too, Mom. Nais din kitang makausap,” sagot naman ni Patrick.
Takang napatitig si Ginang Lina sa anak na si Patrick.
“Talaga lang ha? Kung kalokohan lang iyang sasabihin mo ay mas mabuti ng huwag na. Sinasabi ko sa iyo Patrick na ayoko ng problema. Naiintindihan mo ba? Huwag mo ako bigyan ng problema!” May pagbabantang saad ni Ginang Lina kay Patrick.
Tumawa lang si Patrick.
“Lagi ko iyan naririnig sa iyo, Dear Mom.” Naglakad na ito patungong kusina at binalewala ang sinabi sa kaniya ni Ginang Lina.
“Kahit kailan
