Nakauwi na rin sa wakas si Amberleigh matapos na ma-stranded sa kuwarto ng opisina ni Levi. Napagod si Levi ng husto kaya naman hindi na nito napansin si Amberleigh na umalis pagkatapos ng pagniniig na naman ng kanilang katawan. Pasado alas kuwarto na nang makarating si Amberleigh sa kaniyang tahanan. Agad niyang sinalampak ang kaniyang katawan sa may medyo may kalambutan niyang kama. Iidlip na muna siya ng ilang minuto bago siya papasok sa trabaho. Wala siyang sapat na tulog o sa mas tamang sabihin na saktong tulog dahil binabantayan niya na makatiyempo siya sa pag-alis na hindi nalalaman ni Levi.
Ayaw na niyang magtagal pa roon sapagkat ano na lamang ang iisipin ng kaniyang katrabaho. Ayaw niyang malaman ang namamagitan sa kanilang dalawa ng kanilang Boss. Ayaw niyang malaman ng lahat n
