بعد مرور نصف ساعة وقف بسام يتأمل جسد ذلك الرجل الملقى أرضا أسفل قدميه و هو ينزف بغزارة ، و بجانبه جلست ريم تنتفض فهي و لأول مرة ترى كمية العنف تلك في حياتها ، و أغمضت عينيها و هي تشيح بوجهها عنه تتذكر مغادرة نجوان لغرفتها و إسراعها بالاتصال ببسام الذي ما أن أجابها حتى هاجمته و قالت:
- أنا عايزة أفهم حاجة واحدة أنت مش قولت أنك مش هتأذي أي حد تاني ، ليه بقى بتأذي بابا و أختك كدا يا بسام حقيقي أنا مش قادرة أصدق أنك تبعت أختك لواحد غريب أوضته ففندق ، علشان تخلص لك شغلك و تعرضها للتحرش منه و سيادتك قاعد في مكتبك و لا على بالك اللي بيحصل لنجوان.
عقد بسام حاجبيه يتعجب لحديث ريم فقال:
- أنا مش فاهم منك حاجة شغل إيه اللي بعت نجوان تخلصه ليا يا ريم ، و هو من أمته بدخل نجوان فأي حاجة ليها صلة بشغلي و لا حتى بدخلك ، ما تعقلي كلامك و تتكلمي معايا كويس ، و لا أنتِ عايزة تخليني أقلب عليكِ فعلا و أحاسب
