وضع بسام ساقا فوق الأخرى و مط شفتيه و قال:
- الفيلا عندك دور عليها و لو لاقيتها خدها و امشي ، بس لعلمك أنا لحد دلوقتي مش فاهم بجد تصرفات نجوان الغريبة دي تقصد منها إيه، يعني امبارح تروح لواحد اوضته فالفندق و تقعد معاه فوق التلت ساعة و تقول إنه مشوار تبعك ، و النهاردة تقولك أنها عندي و هي مش عندي ، حقيقي أنا مش فاهم إيه اللي رجعها لتصرفاتها دي تاني ما كنا خلصنا منها من سنين.
حدج عادل بسام بنظرات غاضبة و صاح فيه و قال:
- أنت تقصد إيه بكلامك دا ، يعني إيه يا بسام ما توضح بدل ما أفهم حاجة ميصحش أني أفكر فيها.
وقف بسام و ربت على كتف عادل و قال:
- بص يا عادل أنا مش هقدر اخبي عليك أكتر من كدا نجوان هربت من مصر مع واحد اتعرفت عليه أساسًا أنا من فترة كنت شاكك فالموضوع لكن لما لاقيته سافر و رانا لهنا اتأكدت ، فطلبت من رجالتى يرقبوها و النهاردة بلغوني أنها خرجت من البيت و طلعت على المطار و على م
