أومأ معتز بحرج و أغمض عيناه فأشاح حسام بعينيه عنه يحاول السيطرة على غضبه الذي حثه على القبض على عنق ابن عمه و أردف:
- كل اللي قولته عن شغلك و الواجب و القانون و الشعارات دي متلزمنيش يا معتز ، و أكرما بس لصلة الرحم اللي بينا أنا مش هرد عليك الرد اللي أنت تستحقه ، بس صدقني لو ريم حصل لها أي حاجة أنا هنسى أي صلة دم بتربطني بيك ، و من هنا و رايح اعتبرني غريب عنك زي ما أنت و شُف*ني غريب و سبتني أظن في مراتي أسوأ الظنون أما بقى حساب أخويا فـ.
قاطعه معتز مسرعًا و قال :
- لأ يا حسام متظلمش أدهم لأنه ميعرفش حاجة غير إنه لازم يخلي باله من مراته و ميسبهاش تخرج تحت أي ظرف ، و دا بسبب خوفنا ليكون بسام حاطط حد يراقبها و ينفذ اللي كان ناوي يعمله فيها و فيك .
حملت نظرات حسام الغضب و الاحتقار لابن عمه و هز رأسه بأسف و قال:
- حتى دا كمان خلتني بعيد عنه و مفهمتنيش اللي كان ناوي بسام يعمله معايا ، و سبت
