"Oh, pa'no nay? Aalis na po kami." Paalam ko pa kay nanay sabay yakap sa kanya ng mahigpit.
"Sige, anak. Mag-iingat ka doon, ha? At tsaka makikisama ka ng maayos sa mga magulang ni Levi. Mukhang mabait naman siya kaya natitiyak kong mabait din ang parents niya," habilin pa ni nanay.
"Opo, nay. Palagi ko pong aalalahanin ang lahat ng bilin mo." Bumitaw ako ng pagkakayakap kay nanay at humalik pa ako sa pisngi niya bago ako tuluyang pumasok sa kotse ni Sir Levi. Habang umaandar nga ang sasakyan ay kumakaway pa sa amin si nanay hanggang sa mawala na nga siya sa paningin namin.
Ganito pala ang pakiramdam kapag mawawalay ka na sa nanay mo. Malungkot na hindi mo maipaliwanag pero talagang darating din talaga tayo sa punto na iiwan natin sila at makikisama tayo sa taong mahal natin.
Kung
