“OH, may benda na `yang daliri mo, ha. Natatandaan mo ba ang sabi sa’yo nurse?”
“Oo naman. `Wag munang tatanggalin ang benda,” nakangitng turan ni Vanessa kay Russel habang naglalakad sila pauwi mula sa clinic. Nilakad na lang nila dahil malapit lang naman iyon.
Umakbay sa kanya si Russel. “At wag ka nang maghihiwa ng prutas o kung ano pa kapag wala ako. Kapag gusto mong kumain ng prutas o kaya ay gagamit ka ng kutsilyo, sabihan mo ako, okey?”
Tumango lang si Vanessa habang nakangiti sa kawalan. Naiisip niya kasi na parang panaginip lang ang lahat. Oo, matagal na niyang hinihiling na makabalikan sila ni Russel pero hanggang panaginip lang iyon. Pero, heto na sila, magkasama at parang wala nang makakapaghiwalay pa.
“Bakit nakangiti ka diyan?” untag sa kanya ni Russel. Papaliko na sila s
