After Lockdown, Ikaw pa rin

CHAPTER 4. ”Message request”

NSTP is over. Pero yung utak ko, hindi pa.

Si Mara, ngumiti lang kay Ivan pero iniwasan ako buong oras. Si Ivan naman, after nung sinabi ko na "Ikaw yung hindi tumingin," hindi na siya nagsalita pabalik.

Pag-uwi ko sa bahay, binuksan ko ulit yung lumang f*******: ko.

Nandoon pa rin.

*Ivan Rai Gonzales sent you a message request - March 28, 2020*

Kinabahan ako. Pinindot ko.

Ivan: Elle, sorry sa nasabi ko sa faculty. Hindi ko alam buong story. Sinabi ni Mara sa akin na ikaw daw nang-away. Pero sabi ni Ma'am Santos, ikaw daw yung binully. Totoo ba?

Ivan: Elle? Seen mo naman oh.

Ivan: Sorry ulit.

Tatlo na messages. Lahat nung March 2020. Kasagsagan ng lockdown. Panahong umiiyak ako gabi-gabi kasi akala ko lahat ng tao sa dati kong school, galit sa akin.

At nag-sorry pala siya. Anim na taon na palang nagsosorry yung tao na kinasusuklaman ko.

Napahiga ako sa kama. Ano to? Dapat ba akong matuwa? Mainis?

Biglang nag-pop up si Yana sa GC ng Psych.

Yana: Guys bukas daw may joint activity Arch x Psych sa covered court! Team building daw!

Yana: @Elisha partner mo si Ivan ha! Ako nagsabi kay Sir!!

What?

Nag-type ako agad.

Elisha: YANA ANONG GINAWA MO?!

Yana: Destiny siyempre! Para magkaayos na kayo! Nakita ko kayo kanina sa likod, nag-aaway na naman kayo e!

Gusto kong batukan si Yana. Pero huli na. Nag-reply na si Sir sa GC.

Sir: Noted, Elisha and Ivan for Team 4.

Tiningnan ko ulit yung message request ni Ivan na 2020 pa.

Nag-type ako. For the first time after six years.

Elisha: Nabasa ko na.

Seen agad. After 2 seconds.

Nagta-type siya.

Ivan: Elisha?

Ivan: Ikaw ba yan?

Elisha: Oo.

Ivan: Sorry. Hindi ko alam kung nabasa mo na ba yung–

Elisha: Nabasa ko na. Ngayon lang.

Matagal bago siya nag-reply. Mga 5 minutes.

Ivan: Pwede ba tayo mag-usap bukas? After team building?

Tumingin ako sa kisame ng kwarto ko, Bukas, magiging partner ko siya sa team building. Kasama si Mara na nasa kabilang team.

Anim na taon kong tinakbuhan to.

Siguro panahon na para harapin.

Elisha: Sige. Mag-usap tayo.