Natapos ang araw namin sa Casa Hacienda at hindi ko na muling nakita si Baste. Agad din nagpaalam si Manang Ising sa mga kasama niya sa loob habang ako naman ay minabuti na sa labas na lang maghintay.
“Bakit dito ka naghintay?” tanong ni Manang Ising paglabas niya ng mansyon.
“Ang ganda po kasi ng hardin dito,” sagot ko. May malaking hardin sa gilid ng mansyon at may mga pula at puting rosas na tanim. Sayang nga lang walang kulay asul. Mayroon din mga puno ng narra. Nakakaaliw tignan dahil may mga paru-paro rin lumilipad. Maganda ang klima rito at nakaka-relax din.
“Tama ka dyan. Nabawasan na nga yan eh. Marami yan dati kaso nga lang may humingi kay Temeong ng mga puting rosas kaya kaunti na lang.” Napangiti ako. Ang bait talaga nila. “Tayo na,” yaya niya sakin. Tumango ako at sumunod
