Kaya naman pinamanmanan nito ang anak para malaman kung ano'ng pinagkakaabalahan niya. Hindi naman niya tinanong si Arthur dahil siguradong kung tama nga ang hinala niya na may namamagitan sa kanyang anak at sa anak ng isa sa mga tauhan niya ay gagawa ng hakbang si Arthur. Kilala niya ang anak, may pagkamatigas ang ulo nito at mahirap din kontrolin minsan.
Pero tama nga ang Senyora Annalisa, may relasyon nga ang anak niya at si Amanda. Hindi muna siya gumawa ng hakbang, nag-iisip muna siya kung ano ang dapat na gawin para ilayo si Amanda kay Arthur. Galit na galit ito, oo. Dahil sinusuway siya ni Arthur. At mas lalo pa siyang nagalit nang malaman nito na mag-asawa na pala ang dalawa nang hindi man lang niya nalalaman. Ngunit ang Donya Annalisa pa lamang ay may alam tungkol sa kanila. Hind
