UMIIYAK na naman si Sabrina ngunit sa pagkakataong ito ay hindi na luha ng kalungkutan kundi luha ng kaligayahan. Ngayon ang araw ng kasal nila ni Gregory. Isa iyong beach wedding na gaganapin sa mismong dalampasigan ng San Vicente sa bakuran ng Madrigal Resort. Kay ganda ng buong paligid ng resort na napapalamutian ng magagandang klase ng mga puti at peach na kulay ng mga bulaklak. Kumpleto ang pamilya sa side niya at sa side ni Gregory. Nandito rin ang buong barkada maliban kay Ysabel na hindi daw makakarating. Bagaman at may pagtatampo si Sabrina sa matalik na kaibigan ay naiintindihan naman niya ito. May sarili rin itong buhay sa Amerika at alam naman niyang sobrang busy ito dahil sa sikat na itong fashion designer at may negosyo rin itong ito mismo ang nagpapatakbo. Ang totoo nga niya
