TYRONE DAVIS
Ang tagal ng inipon kong lakas ng loob para sa bagay na 'to, hindi na ako nakatulog dahil sa pag-iipon ng lakas ng loob. Ayoko namang ganito na lang, na kami nga pero hindi naman kami nagpapansinan at alam kong wala nang mangyayari kung hindi ako kikilos.
Ngayong araw ko na siya kauusapin. Makalipas ang maraming araw ay makakausap ko na naman siya at makakaharap. Hindi ko alam kung kakayanin ko. Hindi ko alam kung masasabi ko ba 'yong bagay na 'yon kapag kaharap ko na siya.
Ngayon pa nga lang ay hindi ko na alam kung masasabi ko.
Paano pa kaya kung magkaharap na kami? Tumigil na rin kami sa landian namin ni Chelsea, sapat na 'yong isang araw. Ayoko na rin naman siyang gamitin dahil hindi ko na rin kilala ang sarili ko pagkatapos kong malaman ang tungkol kay Jah-Jah. Iyon
