Tyrone Davis
NANG MAKARATING AKO sa bahay, sa kwarto agad ang deretso ko. Humilata ako at nakipagtitigan sa kisame. Huminga ako nang malalim bago itinaas ang mga litrato sa mga kamay ko.
Kailangan ko pa ba ng ibang ebidensya? Itong mga litratong ito na ang nagpapakita ng pagkakahawig ni Jah-Jah kay Princess Yun. Ang katotoohanang wala siyang maalala sa nakaraan niya, lalo na noong bata pa siya. At nang makita ko ang mama niya na hindi naman niya kahawig.
Oo, meron namang mag-ina ang hindi magkamukha. Baka ang papa niya ang kamukha niya kaya hindi ko isasama iyon sa pag-iimbestiga ko. Pero bakit ganito ang pakiramdam ko? Bakit hindi ako mapakali?
Isinuot ko ang itim kong jacket at saka ako lumabas ng bahay. Kailangan kong makita ang itsura ng papa ni Jah-Jah. Sa ganoong paraan ay kahit
