SABI NILA, isa sa pinakamasarap na pakiramdam ay ang maramdaman mong mahal ka ng taong mahal mo. At iyon nga ang naramdaman ni Ria, nang unang beses na magpaalam si Steve sa kanya na ligawan siya.
Si Steve ang first crush niya. First love. Hanggang sa ang first love ay nauwi sa pangarap niyang sana, ang lalaki na ang makasama niya sa habang buhay.
Ngunit hindi pala ang lahat ng taong pinangarap mong makasama sa buhay ay siya ring makakasama mo hanggang sa huli. Dahil sa ilang taon pa lang nilang magkasintahan ay nahuli niya si Steve na mayroong kasiping noong araw mismo ng anniversary nila nilang dalawa.
Nagawang maglasing ni Ria. Nasaktan siya ng sobra. Akala niya si Steve na talaga. Ngunit may iba palang plano ang tadhana. Naganap ang isang bagay na hindi naman dapat mangyari. Ang mak
