"RIA!" mula sa labas ng bahay ay narinig ni Ria na tawag sa pangalan niya.
Napatayo siya mula sa pagkakaupo at ilang beses napalunok ng sariling laway. Napatingin naman siya sa kanyang anak na natutulog na naman ngayon sa stroller nito. Nasa may salas silang mag-ina, habang hinihintay ang pagdating ni Fabio at ng pamilya nito.
"Ria," muli ay tawag ni Fabio. Kasunod na rin noon ang ilang pagkatok sa pintuan. Ilang beses pa siyang humugot ng hangin para pakalmahin ang sarili.
Oo nga at alam niyang hindi naman galit sa kanya ang mga magulang ni Fabio. Naitawag na rin nito iyon sa kanya bago magtungo ang mga ito doon. Ngunit hindi pa rin mawala sa dibdib niya ang kaba. Hindi dahil sa kung ayaw ng mga ito sa kanya. Kundi dahil nahihiya siya sa ginawa niyang pagpapanggap.
Dahan-dahan niyang
