MADILIM pa ng mga oras na iyon at halos madaling araw pa lang. Ngunit gulat na gulat at bigla ang pagmulat ng mga mata ni Ria ng magising siya. Kasabay noon ay ang biglang pagsasalimbayan ng mga naganap sa nagdaang gabi.
Hindi siya lasing, kaya tandang-tanda niya ang lahat. Hindi siya lasing kaya wala ni isang detalye siyang hindi naaalala. Cravings niya kay Fabio ang pinagmulan ng lahat.
Sunod-sunod na rin ang kanyang paglunok nang maramdaman niyang wala pa siyang saplot. Ganoon rin ang dulot ng pag-agos ng kaba sa kanyang dibdib ng maramdaman ang mainit na katawan sa kanyang tabi at ang mabigat na kamay na nakapulupot pa rin sa hubad niyang katawan, sa may parteng tiyan.
"Bakit ba naman kasi ako nagpadala sa cravings ko? Sorry na talaga boss. Tatanggapin ko ang lahat ng sasabihin mo,"
