Humanap kami ng tiyempo ni Darren, bago kami umalis para maihatid niya ako sa bago kong papasukan. Hindi kami dapat makita ni Sir Ken.
Alas dyes ng umaga kami makarating sa bahay ng mga bago kong amo. Ibinilin ako ni Darren sa kaibigan niyang babae na si Trina.
Mukha namang mabait si Trina at ang mga magulang niya. Magaan kaagad ang loob ko sa kanila.
"Bibisitahin kia parati," sabi sa 'kin ni Darren bago siya umalis. "'Wag kang mag-alala, mababait sila. Hindi naman kita ipapahamak, alam mo 'yon."
Ngumiti ako sa kanya. "Salamat talaga Darren. Ang laki ng utang na loob ko sa 'yo."
"'Wag mong isiping may utang na loob ka sa 'kin. Wala 'to. Alam mo naman na mahalaga ka sa 'kin."
Napayuko ako.
Nang maramdaman niyang hindi ako komportable sa sinabi niya ay saka na siya nagpaalam. "Sige
