"Simula ngayon, lagi ka nang sasama sa 'kin sa shop kapag pupunta ako ro'n. Hindi ko na gustong maiiwan ka rito sa bahay," sabi sa 'kin ni Ken habang naghahanda ako ng almusal namin.
Nakaalis na no'n si Terence kasama si Reena papuntang school.
"Wala naman dito si Miss Irene, okay lang ako rito," sabi ko. "Madumi ang bahay. Maglilinis na lang ako. Tsaka, ang dami na nating labahan."
Kinabig niya 'ko. "Hayaan mo nang madumi ang bahay. Si Reena na lang ang uutusan ko pagkauwi nila ni Terence."
"E, paano ang mga labahan kong damit? Hindi naman lalabhan ni Reena 'yon!"
"Lalabhan niya 'yon kundi papaalisin ko siya," seryosong sabi niya, pero kaagad niya namang binawi ng tawa. "Joke lang! Problema ba 'yon? Edi bili na lang tayo ng bagong mga damit mo. Hayaan mo na 'yong mga labahan mo." Hin
