Hindi ko naman gustong ipagisiksikan ang sarili ko kay Terence, pero nahihirapan ako kasi natutunan ko na siyang mahalin. Hindi ko matanggap na nagbago na lang bigla ang pakikitungo niya sa akin kahit inasahan ko nang iyon ang mangyayari.
Lumabas si Miss Irene sa kwarto at sinadya pang sagiin ako habang nakaupo ako sa may hagdan at pababa siya. Nakakainis ang mga ngiti niya.
"Kawawa ka naman," sabi niya sa akin. "Sinabi ko naman sa 'yo, 'di ba, wala kang lugar sa mundo ni Ken? Sa huli, sa akin pa, rin siya babagsak. Nasa akin ang alas."
"Ginagamit mo lang si Terence!" tiim bagang kong sabi sa kanya.
"Oh come on, we all do it for love Lynette. Ibig kong sabihin, gagawin natin ang lahat para lang mapasaatin ang taong mahal natin, hindi ba?"
"Wag mo nga akong igaya sa 'yo! Kahit kailan,
