PAGKADATING sa opisina, naabutan ko si Trisha na todo ang pag-aayos.
"Good morning, Xandi! Hello, Amanda!" Masiglang bati nito sa 'min.
Ngitian ko rin siya. "Good morning, Trish."
"Good morning, Trisha. Anong mayro'n, at bakit ayos na ayos ka?" Puna ni Amanda. Pulang-pula ang kanyang labi sa nilagay nitong matingkad na red lipstick.
"Syempre, dadating na si Mr. M. Kailangan, maganda tayo. Ikaw nga Xandi, maglagay ka ng lipstick sa mukha. Tingnan mo, ang putla-putla mo. Ang puti mo pa naman tapos ganyan pa ang kulay ng lipstick mo. Paano ka magkakalove life ulit niyan."
Kinuha nito ang lipstick niya at basta na lang ako nilagyan sa labi.
"Oh, ayan! Nagkakulay na rin. Bagay na bagay sayo!"
Napangiwi lang ako sa ginawa niya. Hindi ako sanay sa mga ganitong kulay na lipstick.
