Pagpasok na pagpasok pa lang ni Dria sa bakuran ng mansiyon ay ramdam na niya ang paninikip ng dibdib niya na tila hinihila ng mga bagay na nakikita niya ang kanyang hininga.
Ang driveway na dati ay hindi niya pinapansin sa tuwing nadadaanan ng kotseng naghahatid at nanunundo sa kanya sa eskwelahan, ang malawak na hardin kung saan nakatanim pa ang mga paboritong halaman ng Mommy niya, ang pathway kung saan niya kinakailangang maglakad papunta sa iba't ibang parte ng malawak na bakuran.
Sa bawat hakbang na ginagawa niya papapunta sa double doors na pintuan ng bahay, halos buhatin na niya ang mga paa upang maihakbang lang niya ang mga ito. Nakulong sa baga niya ang hangin nang sa wakas ay hawakan ni Ate Agnes ang door knob at buksan nito ang pinto. Nang itulak nito pabukas ang mga pintua
