Pagkatapat sa apartment nito.
"Puwede ba akong maki-inom? Bigla akong nauhaw?"
Pansin ko ang biglaang pananahimik nito. Mukhang nagdadawang-isip ito kung papayagan ba ako nitong pumasok sa loob ng apartment nito.
"Kahit dito na lang ako sa labas. Bigyan--"
"Pumasok ka na. Basta behave ka lang kung ayaw mong mabaril."
Bigla akong natigilan ngunit kalaunan bigla akong natawa. Hindi ako makapaniwala na ganito katapang ang babaing ito.
"Kaya siguro walang nanliligaw sa iyo at tinatakot mo?" nakangiting wika ko sa dalaga.
Hindi ito kumibo. Nakasunod naman ako sa likuran nito.
"Pasok ka. Maupo ka na muna riyan at kukuhaan kita ng tubig."
Tumango naman ako rito.
Mabilis na umikot ang mga mata ko sa maliit nitong apartment. Simple lang ngunit napaka-aliwalas ng paligid.
Malinis at maba
