Bigla akong napahinto sa paglalakad ng makita ang lalaking nakatayo sa sasakyan nito. Nakapamulsa ito habang nakayuko.
Para talaga itong modelo.
Gusto ko tuloy pagsisihan na dinala ko pa ang bouquet na ibinigay nito sa akin.
Akalain ko bang maghihintay talaga ang lalaking ito?!
Pipihit sana ako para makaiwas ngunit huli na. Bigla itong umangat ng tingin.
Tumayo ng tuwid ng makita ako. At talagang ngumiti pa!
Iyong simpleng ngiti pero napaka-simpatiko ng dating!
Ano ba? Kumalma ka lang! Paninita ko sa naghuhurumintadong puso ko.
Bigla na naman tuloy kumabog ang dibdib ko sa paraan ng mga tingin nito.
Masungit ang mukha ng lumapit ako rito.
Bigla kong ibinato ng bahagya sa dibdib nito ang bouquet nito.
"Nag-iwan ka pa talaga ng basura," lihim akong napangiwi sa sinabi ko.
Mukha
