"Wala ka bang planong lumabas?" masiglang tanong ni Roen. Kasalukuyang kausap ni Troy si Roen sa cell phone at hindi niya akalain na magagawa siya nitong tawagan ng dis-oras na ng gabi.
"Ngayon? Nagpapatawa ka ba? Alas onse na ng gabi, tapos tatanungin mo ako ng ganiyan?" natatawa niyang sagot kay Roen. Napakusot-kusot pa siya ng kaniyang mga mata dahil sa pagkagising gawa ng ingay ng kaniyang cell phone.
Hindi naka rehistro ang numero kaya agad na rin niya iyong sinagot.
"Parang kailan lang... Dalawang araw lang naman ang nakalipas noong lumabas tayong dalawa..." Hindi alam ni Troy pero ramdam niya ang malalim nitong paghinga mula sa kabilang linya. Ni hindi rin niya akalain na tatawag ito nang ganoong oras.
Umayos siya ng pwesto at tuluyang napaupo sa ibabaw ng kama.
"Bakit parang m
