Halos umabot sa tainga ang pagngiti ni Roen. Kararating lang din niya at hindi niya mapigilan na mapatawa.
"Mukhang maganda ang mood natin ngayon, kuya!" Nabigla si Roen at saka napalingon sa kapatid niya.
"Masaya lang ako, bunso." Muli siyang napatawa.
"Alam mo kuya, kung ako sa 'yo, sabihin mo na lang kung sino 'yang tao na nagpapasaya sa 'yo ngayon. Baka sabihin ko pa kay papa na may syota ka na." Nakita ni Roen ang pagbabanta ng bunsong kapatid. Muli niya itong tinawanan.
"Bakit ba gustong-gusto mo na malaman kung sino? Alam mo, asikasuhin mo na lang ang pag-aaral mo." Pinilit niyang bigyan ng diin ang pagkakasabi.
Kagaya ng nakagawian ay wala namang nagawa ang bunsong kapatid kundi ang sundin ang kuya. Bago pa man ito lumabas ng kuwarto ay pinasadahan na siya nito nang paniningki
