CHAPTER 106
“Pangako, magpapakatatag ako para sa ating pamilya, Daddy. Ito ang handog ko sa inyo na kanta ni Mommy. Sabi ni Ate sa akin, ito raw ho yung kantang gusto mong kinakanta niya. Kahit ho hindi ako madalas kumanta Daddy, kakanta ako para sa inyo ni Mommy, para sa inyo nina Ate Faith. Ako na sana ang pinakamasaya kung sana nandito ka lang para isayaw ninyong muli ni Ate Faith at ni Mommy ito kagaya nang ginawa ninyo ng debut ni Ate habang ako ay nanonood lang sa inyo. Alam kong hinihintay ninyo ako noon na kantahin ko ito nang debut ko rin kaso iyon na yung araw na nakulong na si Ate. Araw na hindi na ninyo ako napapansin pa ni Mommy kasi natuon ang isip ninyo kay Ate. Pero Daddy, hindi ho ako nagtatampo kahit po hindi na ako nagkaroon ng debut kagaya ng kay ate. Paano tayo magkak
