Kabanata 8
Sa huling sandali ay hinalikan ko si Lucifer sa kaniyang noo bago ako lumabaa sa kwarto niya. Sa sobrang dilim ng kwarto niya ay hindi ko na nagawang hanapin pa ang damit kong sinira niya.
Pagpunta ko sa kwarto ko ay mabilis akong nagsuot ng damit na nasa bag ko. Mabilis ang aking kilos habang tulog pa si Luc.
Sobrang lakas ng kabog ng puso ko.
Ayaw ko siyang iwan pero kailangan ko ng umalis. Kailangan niya ako pero kailangan ako ng magulang ko. Balak ko sanang balikan siya kapag nakumpirma ko na kung anong nangyari sa magulang ko.
Mabilis kong binuksan ang pinto, ingat na ingat akong makagawa ng kahit anong ingay. Pinasadahan ko pa ng isang beses ang loob ng bahay niya bago lumabas.
Maputik ang labas at napapalibutan ng puno at mga nagtataasang damo ang bahay ni Lucifer.
