May lumuwag sa kaloob-looban niya nang masabi ang totoong pangalan. Malaki ang naging ngiti niya ng tawagin siya nito sa totoong pangalan.
"Ang ganda mo naman, Vera! Iitim ka rito panigurado. Ibababad ka namin sa dalampasigan," natawa na rin siya sa biro nito.
"Ako nga pala si Pablo Respecia. Ako ang kapitan ngayon ng barangay," pakilala nito sabay lahad ng kamay sa kanya na agad niyang tinanggap.
"I'm Lala. Just call me Lala," tumawa pa ito dahil sa ginawang pag-english.
"Ako naman si Gelly," pakilala noong isang babae na dinala ni Lala.
"Hello. Sana maging kaibigan ko kayo rito," ani niya na ikinatuwa naman ng dalawa,
Nakipag-kamay naman siya sa mga ito bago pa nila tuluyan na pinasok ang bahay ngunit muli rin siyang pinalabas ng mga ito.
"Diyan ka na muna. Lilinisin lang namin at
