Umiiyak pa rin ako hanggang makadating kami sa sasakyan ni Gab. Wala na akong pakealam kung ano man ang isipin ng mga estudyanteng nadadaanan namin. Ang importante lang naman sa akin ay makawala ako kay Timothy at sa kanyang girlfriend.
Marahas na hinampas ni Gabriel ang manibela pagpasok pa lang sa sasakyan. Natigilan ako sa pag iyak. Nilingon ko siya. Matalim ang tingin niya sa manibela. Para bang kahit anong oras ay maaari niya itong sirain.
"Tngna talaga!" Ginulo niya ang kanyang buhok bago bumaling sa akin. "Ba't hinayaan mong pagsalitaan ka ng ganun?"
Kinabahan ako sa kanyang tanong. Seryoso siyang nakatingin sa akin. Hindi ko na makita ang Gabriel na palagi akong inaasar. Ibang iba siya. Ngayon ko lang siya nakita na nagka ganito. Nakakatakot.
"Sumagot ka, Scarlett.."
Nag iwas
