Sa mga sumunod na araw ay naging mas malapit pa kami ni Gabriel sa isa't isa. Madalas ay siya na ang naghahatid sa akin pauwi. Sa tingin ko nga ay nagtataka na si Macy kung ano nga ba ang namamagitan sa amin. Hindi lang siya nagtatanong dahil gusto niya na ako mismo ang magsabi.
Hindi ko alam kung ano nga ba kami ni Gab ngayon. Ayoko muna itong pangalanan. Masaya ako na ganito kami. I'm enjoying his company. Pag kasama ko siya ay nakakalimutan ko kung nasaan kami. Palagi kasi niya akong pinapatawa. Hindi ko ito nakita sa kanya noon dahil naiinis ako sa kanya. Wala naman pala akong dapat kainisan.
"What do you want soft drinks or bottled water?" Tanong ni Gabriel. Itinaas niya ang kanyang mga hawak sabay lahad sa aking harapan.
"Ito na lang.." Sabi ko. Kinuha ko ang bottled water. Ngumit
