“Magkano ho ba ang lahat ng sahod ko, Mang Buro?” ang tanong ni Kanor sa lalaking amo ng iabot na sa kanya ang pera na kanyang sahod sa buong buwan at ng bilangin niya ay kulang.
Ang usapan kasi nila ng pagbabayad ay kalahati ng sahod niya sa isang buwan ay ikakaltas sa naiwang utang ng kanyang tiyuhin.
“Bakit mo tinatanong, Kanor? Natural na kulang ang sahod mo dahil alam mong binabawasan para sa utang ng tiyo mo. Kaya naman bakit kung makapagtanong ka ay parang nilalamangan kita?” naiiritang sambit ni Mang Buro kahit nagtanong lang naman ang binatang trabahador.
“Kaya nga, Kanor? Bakit kung makapagtanong ka ay parang lalabanan mo ang amo natin?” sulsol na tanong ni Nonong na nakatabi sa among lalaki.
“Nagtatanong lang ho ako, Mang Buro. Hindi naman ho ako nagagalit,” katwiran ni Kan
