KRIS WARREN YU'S POINT OF VIEW
Eksaktong kabuwanan ni Tyra nang mag-leave ako sa trabaho, iniwan ko panandalian ang ilang paper works at meetings para sa mag-ina ko, lalo na't nakikita ko ang paghihirap ng asawa ko.
Kung pagmamasdan ay parang napakalayo na ni Tyra sa babaeng nakakilala ko noon, doble ang ipinayat nito, bagsak ang balikat at parating nanghihina, o 'di kaya ay maghapong tulog.
Hindi ko alam kung parte pa rin ba ito ng pagbubuntis niya. Kung oo, ganito rin kaya ang dinanas nito noon sa una naming anak? Halos manghina ako sa reyalisayong wala ako ng mga panahong iyon.
At the same time, bumabawi ako ngayon na kasama ko siya. Masaya sa pakiramdam na ganap ko na siyang asawa, na sa wakas ay mayroon na akong karapatan sa kaniya bilang lalaki.
Sobrang saya ko, walang kapatawar
