Halos matigil ang paghinga ko sa ere nang makita ang dalawang guhit sa hawak kong pregnancy test, kasabay din nito ay ang paninikip ng dibdib ko dahilan para mapahawak ako roon.
"Buntis ako." Naiusal ko, tila ba may humaplos sa puso ko sa mga oras na 'yon.
Shit, buntis nga ako!
Nanginig ang mga kamay ko, kasunod nito ay ang pag-alpas ng luha sa dalawa kong mata. It's been a month and yes, tama nga ang hinala ko kaya walang alinlangan akong bumili ng pregnancy test.
Wala sa sariling napangiti ako, ang pagsikip marahil ng dibdib ko ay dala ng sobrang kaligayan. Nag-uumapaw iyon, kulang na lang ay lumabas ang puso ko sa walang sawang pagkabog nito.
Ilang sandali pa nang lumabas ako ng banyo, agad na dumako ang atensyon ko sa wall clock kung saan pasado alas tres pa lang ng hapon. Samanta
