(Solace)
Sobrang panlalaki ng aking mga mata nang pabiglang naglapat ang labi naming dalawa ni Santinir. Hindi ko mapaghandaan ang pagdaloy ng libo- libong bultahe ng kuryente sa aking katawan. Tila may kung anong damdamin ang nabuhay sa loob ng aking puso na hindi ko kayang ipaliwanag. Ang damdamin na ito ay nagpabuhay ng isang sensasyon na gusto ng aking puso pero ayaw ng aking isip. Naiinis ako sa nangyari sa akin, ayaw ko sa pakiramdam na ito. Agad ko syang itinulak at isang malakas na sampal ang kasunod na pinadapo ko sa kanyang pisngi. Naniningkit ang aking mga mata habang nakatingin ako sa kanya na sapo ang pisngi na nasampal ko.
"Wala kang karapatan na halikan ako." nangangalaiti kong sambit. "Maliban sa walang tayo, boyfriend kapa ng pinsan ko. Ang kapal din ng mukha mo para pag
