(Solace)
Walang lingon- lingon akong tumatakbo. May ilan nang mga tauhan ni Mr. X ang nakasunod sa akin. Pinaputukan nila ako kanina pero ngayon, hindi ko na sila naramdaman. Umaasa nalang ako na hindi na sila nakasunod sa akin. Isang kalsada ang nakita ko. Sabi sa akin ni Catriona, na pag makarating na ako sa kalsada, hindi na malayo ang mga kabahayan at pwede na akong humingi ng tulog.
May kakilala daw sya na nagmamay- ari ng isang restaurant at doon daw ako magtago, hanggang sa dumating ang tulong sa akin. Sinabi nya sa akin ang pangalan ng restaurant at ang may- ari din nito.
Malapit na ako Cath. Hintayin mo ako.
Basang- basa ako at nanghihina pero pinilit ko ang magpakatatag. Nilabanan ko ang panghihina ko.
Lumingon ako. Siniguro ko kung may mga nakasunod pa ba sa akin. Wala na
