At sandali pa nga akong napahinto, matapos ko naman siyang matanawan matapos kong makalabas sa exit door ng kusina nila. At ngayon nga ay tila napako sa napakalawak na likod bahay nila Papa.
Nakaupo siya sa isang open na maliit na kubong gawa sa kawayan.
Halatang balisa... At nakatingin lang sa malayo na tila kay lalim ng iniisip.
Aaminin kong nakadama ako ng awa sa nakikita ko. Dahil sa unang pagkakataon ay nakita ko siya sa ganitong sitwasyon.
Muli naman akong lumakad patungo sa kanya, at sa tingin ko ay hindi niya namalayan ang paglapit ko sa kanya.
Marahil ay okupado ang isip niya ng mga alalahanin. Na nahihiling ko din na sana nga ay wala akong derektang kinalaman sa ipinagkakaganito niya.
I sighed deeply, bago naman bumwelo pa ng bahagya at tuluyan ng ibinuka ang aking bibig
