عائله صعيديه

البارت الثالث

في صباح اليوم التالي ..استيقظ زين مبكرا كعادته ...وجهز شنطه ملابسه وجهز. كل ما يلزمه لاقامه اسبوع كامل في القاهره واستعد للسفر ...ووجد والدته في انتظاره وقد اعدت له الفطور

ام زين : صباح الخير يا حبيبي ...انا جهزتلك الفطار اهو ..كل علي مهلك يا بني وان شاء الله تلحق قطرك وشغلك وربنا يقويك ويعينك

زين : صباح الورد يا حاجه ..حاضر ...تسلم ايدك وعيني ..الاكل جميل وكله معمول بالحب يا حاجه ..معلش بقى تعبتك معايا وبصحيكي بدري قوي عن معادك

ام زين : تعبك راحه يا زين ..دا مايجيش حاجه يابني من الي بتعمله علشانا وعلشان اخواتك

زين : اه صحيح ..اتكلمتي مع البنات . وهما رائيهم ايه فرحانين كده ولا حسيتي حد فيهم مش عاوزه تتجوز دلوقتي وبتقول لسه صغيره

ام زين : لا فرحنين يا زين وبيدعولك يا حبيبي ...دول عرايس زي الورد اهو لسه صغيرين ايه بس ...لولا الحاله الماديه كنت جوزتهم وجوزتك انت كمان ..نفسي افرح بيك يا زين

زين : يااااه يا حاجه لسه بدري عليا يا ام زين ..دا انا لسه داخل سنه اولى ولسه كام سنه دراسه وكام سنه جيش ..احنا نفرح بالبنات بس الاول

ام زين : ماشي يا زين تروح وتيجي بالسلامه يا قلبي ..مع السلامه

زين : سلميلي علي الحاج كتير وقوليله بقي اني مش برضى اقلقه من نومه الصبح كده ...عاوز ارجع بعد اسبوع ان شاء الله القيه ساب قاعده السرير دي وابتدي يتحرك كده ..عاوزك تحركيه واحده واحده يا حاجه يقعد علي كرسي شويه او حاجه ..وهاتيه الدكتور تاني يبص عليه ويطمنا عليه في تحسن ولا لا ...خلي بالك منه يا حاجه

ام زين : دا في عنيا يابني من غير ما تقول حاضر هخلي سعيد يتصل بالدكتور النهارده ان شاء الله ويجي ولو قال بقي كوبس نحركه شويه نقومه يتمشي بسيط كده في الشقه

زين : ماشي يا ام زين وابقي طمنيني عليه وطمنيني الدكتور قال ايه اول ما يمشي من عندكوا

ام زين : حاضر يا زين ...تروح وتيجي بالسلامه يا قلبي

...وودعت ام زين ولدها زين ...بحب ولهفه عليه وهي مشفقه جدا من عمله ومن الحمل والمسؤليه التي تقع عليه ..ودعت الله ان ينصره ويعينه علي ذالك

ذهب زين الي محطه القطار وانتظر موعد القطار وركبه الي ان ذهب الي القاهره ووصل الي مخزن الحاج خميس

الحاج خميس : زين ..عامل ايه يا زين تعالي ..جاي بدري قوي ليه كده ..شكلك منضبط في شغلك فعلا زي ما شكرلي فيك الحاج صابر ..وبتاع شغل ومجتهد ...انت والله صعبان عليا من سفر يوم ورا التاني وتنزل علي شغل علي طول كده ..ربنا يقويك ..خلاص النهارده هتشتغل نص يوم ..بس اجرتك محسوبه كامله زي ما هي

زين : تسلم يا حاج خميس ..بس انا هشتغل اليوم كامل ..انا كويس وبخير ..وما تقلقش ...ودا حقك وما ينفعش تحت اي ظرف اشتغل اول يوم شغل ليا نص يوم وكمان اخد فلوسي مقدم منك يا حاج خميس ..انت راجل كتر الف خيرك وقفت جنبي ..وانا لازم اقف جنبك وقلبي يكون علي شغلك

الحاج خميس : يابني ما تبقاش دماغك ناشفه كده زي الصعيده ههههه باين عليك التعب والارهاق خالص يا زين وانا بكلمك بجد ..ومش زعلان يا سيدي انا صاحب الشغل اهو وبقولك مش عاوزك تشتغل النهارده ولا حتي نص يوم ..ادخل رتب حاجتك وهدومك وريحلك جوه في الاوضه الي هتبيت فيها ....انا لو عندي عيال يا زين ..كنت هتمني اربيهم زيك كده

زين : حبيبي يا حاج خميس تسلم والله بس انا لو حبيت اريح شويه هيبقي بعد الشغل ان شاء الله هيكون لسه في وقت طويل علي صباح تاني يوم ..وهلحق ارتاح ما تقلقش عليا ...انا الي تعبني المره دي هو السفر بس وقله نومي ...فمعلش اول يوم بس هيكون مرهق عليا وبعد كده هيبقي تمام

الحاج خميس : خلاص برحتك يا بني ....يا زياد يا زياد ...يااا زياد

زياد : ايوا يا حاج خميس ..اؤمر

الحاج خميس : خد اخوك زين بقي وفهمه بالظبط هيعمل ايه ومطلوب منه ايه ..عاوزك تعلمه كل حاجه عن تفاصيل الشغل واي سؤال يسالهولك رد عليه ونوره كده وعلمه

زياد : ماشي يا حاج خميس عيوني ...تعالي معايا يالا يا زين

زين : تسلم يا حاج خميس والله كلك شهامه ورجوله وربنا يقدرنا كده ونساعدك في المخزن ...انا جاي اهو يا زياد اتفضل

***

ذهب زين مع زياد لكي يتعلم تفاصيل العمل ويتعرف علي المخزن وكل قسم فيه ...وبدأ زياد بتعليم زين ما يجب عليه فعله خطوه خطوه ..الي ان بدأ زين في ادراك العمل وتفاصيل المخزن وتعلم من زياد الكثير عن شغل العداد وبالفعل بدأ يعمل بمفرده ...وانتهي يوم العمل الاول له ..وذهب زين الي المكان المخصص لنومه في المخزن ..فهو عباره عن حجره ولكن مجهزه بكل التفاصيل التي يحتاجها ..واخرج زين شنطته ..وبدأ في ترتيب ملابسه ...ومستلزماته ..وكان متعب للغايه في ذالك اليوم فلم يستطيع اكمال ترتيب ملابسه وغلبه نومه في مكانه

*** ومرت ايام وايام الاسبوع انتهت وجاء اخر يوم له في هذا الاسبوع ولم يذهب زين طوال هذا الاسبوع ابدا الي جامعته ..فقد كان العمل شاق عليه ولم بسنطيع ان ياخذ يوم اجازه بسبب المال الذي اخذه مقدم لهذا الاسبوع ...وفي اخر يوم في الاسبوع

الحاج خميس : تسلم يا زين ...ولد بتاع شغل صحيح ...دماغك شغاله مش نايمه ..علي طول بتفكر وبتعدل في الشغل من اسبوع واحد بس شغل عندي وانا حاسس بفرق ...يعني فعلا الحاج صابر ماكذبش عليا ...الله يباركله انه بعتك ليا ...انت مروح بقى لاهلك النهارده ..خدلك يومين اجازه كده تقعد مع اهلك فيهم وتكون ارتحت من السفر وانا مستنيك ..وعاوزك الاسبوع الجاي تبدا تروح جامعتك وتسال وتستفسر عن محاضراتك

زين : اه ان شاء الله انا ناوي اعمل كده فعلا يا حاج خميس ...وكمان في عريسين متقدمين لاخواتي البنات ومواعدهم علي اتفاق بكره ان شاء الله ..فمش عارف لسه الموضوع هيحصل فيه ايه لسه ..وكمان جهزهم ومصاريفهم ..انا فقرت فيها وقررت اني اقول للعرسان ان مافيش امكانيه نجهز بيت ...انا اكتر حاجه ممكن اعملها اجيب لكل واحده فيهم شنطه هدومها ...وكل عريس منهم بقى يجهز شقته علي قد امكانيته ..مش طالبين حاجه ولا نقدر نطلب اصلا ...المهم هما يوافقوا ..لسه مش عارف يا حاج خميس والله ..كده ابقى بوقف حال البنات علشان مش قادر اجهزهم

الحاج خميس : لا يا زين ما تتحاسبش كده ..وعموما ان شاء الله العرسان دي توافق وتفرح اخواتك البنات ..وربك بيف*جها يا زين من حيث لا تحتسب ما تقلقش ابدا

زين : فعلا يا حاج خميس انا سيبها علي الله اهو ..وبسعلهم في جوازتهم والله يعلم عملت ايه ..بس موضوع الفلوس دا ما باليد حيله نهائى ..فربنا ييسر ويدبر من عنده ...استأءذنك بقي يا حاج خميس علشان معاد القطر بتاعي ما اتاخرش عنه ..وهتلاقي ا****عه في البيت مستنيني علي نار

الحاج خمبس : اتفضل يا زين ومب**ك مقدما ..عاوزك ترجعلي المره الجايه ان شاء الله باخبار حلوه كده ونبل الشربات وتفرح باخواتك يا حبيبي

**** ذهب زين الي محطه القطار وركب قطاره الي ان وصل الي بيته ووجد والدته في استقباله

ام زين : حمد لله علي السلامه يا زين ...وحشتني يا بني ..ايه الاسبوع الطويل دا ..الايام ماكنتش راضيه تعدي يا زين ....وحشتني يا حبيبي ...صحيح انت غلاوتك عندي ما تتوصفش ....اول ضانا ليا والله يا بني ..الاسبوع دا كان تقيل عليا قوي ....المهم طمني عليك ..انت لازم تجيب تلفون ونطمن علي بعض يا زين ..انا دماغي وتفكيري كله بيقلق عليك

زين : الله يسلمك يا ام زين ...حببتي يا اما ..وانتو كمان وحشتوني والله ...اليوم كان طويل جدا والشغل لسه كنت بتعلمه والناس كلها لسه جديده عليا ...اهو الي مهون ومصبر انهم كويسين ومعاملتهم حلوه والحاج خميس صراحه محترم فوق الوصف كفايه الاوضه الي عملنهالي للبيات مش ناقصها حاجه اوضه ادميه ومتوضبه ..كنت مفكر هتكون فرشه كده علي الارض جوه المخزن وكنت راضي والله يا ام زين ..بس كرم ربنا

ام زين ؛ ماشي حببي المهم ان انت بخير ..وحمد لله علي سلامتك ..ادخل بقي سلم علي ابوك وفرحه برجعوك وبعدها ادخل غير هدومك واتشطف واستريح شويه

*** دخل زين علي والده بعد ان استأءذنه في الدخول وعندما راءه فرح جدا ...وجد والده قد قام من سريره وجالس علي كرسي وبدا يتحسن فحمد ربه وفرح جدا وانسته الفرحه ما بيه من تعب وعنا ومشقه السفر

زين : ما شاء الله يا حاج ...حمد لله علي سلامتك ..اهي دي الاخبار الي تسر ..الحاجه ما قالتليش حاجه والله ..شكلها نست تقولي

ابو زين : حمد لله علي سلامتك انت يا زين طمنى ايه اخبار الشغل بتاعك في الاسبوع دا ..حد مضايقك في شغلك يا بني

زين : لا يا حاج انا بخير الحمد لله والشغل كمان ناس محترمين جدا ..وفهموني الشغل كله والمطلوب مني والاوضه الي ببيت فيها كمان نضيفه جدا وادميه ..مش مجرد فرش علي الارض ..والحاج خميس محترم جدا كان م**م اول يوم ما اشتغلش والله او اشتغل نص يوم ..لاني كنت تعبان قوي من فرهده السغر يومين ورا بعض ..بس انا مارضتش واصريت اكمل شغل يوم كامل يومها ..الراجل عاطيني اجره اسبوع مقدم وكان لازم اوفي الفلوس الي عليا الاولى

ابو زين : طول عمرك مجتهد يا زين ..طاب ايه اخبار جامعتك ...عرفت الجدول بتاعك طول الاسبوع خلاص وايه هي ايام اجازتك

زين : في الحقيقه يا حاج انا مالقتش وقت خالص انزل فيه الجامعه ...بس عموما الاسوع دا بيبقي مافيهوش محاضرات قد كده ...والي كان حاكمني اني مش عارف ااجز يوم او اخخر ساعه لاني اخد فلوسي مقدم ...من الاسبوع الجاي اليوم الي هروحه الجامعه مش هشتغل فيه والع** اليوم الي معنديش فيه جامعه هشتغل فيه

ابو زين : ماشي يا زين يا بني المهم تاخد بالك من دراستك يا بني وما تهملهاش ..دي اهم حاجه عندي

زين : ايه اخبار العرسان الي متقدمه لهنا وسعاد ....وايه رائيك فيهم يا حاج هما جاين النهارده فعلا ..ولا اجلوا المعاد

ابو زبن : اه لا دا اتصلوا امبارح واكدوا المعاد النهارده بعد العشا كده ..لسه ما شوفتهومش يا زين يا بني ...اما نشوفهم ونتكلم معاهم نحكم علبهم ..انت عارف انا ما يشغلنيش شغال ايه ومعاه ايه ..انا يهمني الراجل نفسه دماغه وتفكيره واخلاقه

زين : طاب الحمد لله ان شاء الله خير ..ويطلعوا عرسان كويسين ويهنوا البنات كده ويتقوا ربنا فيهم مش عاوزين اكتر من كده فعلا

ابو زين : الي شاغلني والله يا زين هنجهزهم من اين ..مافيش خالص اي حاجه علي جنب ولا حتي امك عندها دهب نبيعه ما حلتناش اي جنيه شايلنيه للزمن حتى

زين : ربنا بيدبرها من عنده ما تقلقش ..طاب ايه رايك يا حاج نقول للعرسان دي انهم يجهزوا شقتهم زي ما هما عاوزبن احنا مش متشرطين عليهم في اي حاجه في الجعاز يجيبوا الي علي قد امكانيتهم ..واحنا علينا نجبلكوا العرايس بشنطه هدومهم

ابو زين : والله فكرت في كده فعلا يا زين بدل ما نمت ايدينا ونشحت علي جهازهم وفي الاخر ما يعجبهومش

زين : خلاص يبقى اتفقنا دا الي هنقولهم عليه وافقوا وافقوا ..ما وفقوش يبقي ربنا كاتبلهم حد تاني وربنا ييسرلهم وييسرلنا حالنا

* استاءذن زين من والده في الذهاب الي غرفته وتغير ملابسه وان يستريح قليلا قبل ان ياتي اهل العرسان

ووجد سعيد وعلي في غرفته

زين :سعيد عامل ايه واخبار درستك ايه ..وعملتوا ايه في الاسبوع دا في غيابي طمني

سعيد : خير يا زين ما تقلقش ..عدى علي خير وكل الي محتاجينه كنا بنلاقي الفلوس الي انت سايبهالنا مكفيه وزياده كمان ...حتي ابوك عملنا زي ما انت قولت جابناله الدكتور تاني لحد البيت بص عليه ..وقال لازم يتحرك من علي السرير بقى احسن رقده السرير دي تعينه اكتر واكتر وفعلا بقي دلوقتي بيقوم ويقعد علي السرير بس لسه مش بيقدر يمشي برضه لسه محتاج وفت علي ما يرجع طبيعي باءذن الله

علي : عامل ايه يا ابيه

.وحشتاني خالص .الاسبوع دا كمت عاوز الي يشرحلي وسعيد ما رضاش قالي لا ..يرضيك كده يا زين

زين : ليه كده يا سعيد ...انا مش قولتلك خلي بالك من اخواتك ..والمفروض تخلي بالك من الصغير قبل الكبير

سعيد : هو معتمد علي ان حد يفهمه مذاكرته يا زين ..انت السبب انت الي عودته علي كده ..بقي مش عارف يذاكر لوحده ..وانا عندي مذاكرتي يا زين ..وما بصدق اسيب الورقه والقلم علشان افصل مش ليه هقعد اذكرله من اول وجديد

زين : يا سيدي خليه يتدلع شويه ..اخوك الصغير لو ما اتدلعش عليك هيتدلع علي مين يعني ..وعموما يا علي المفروض تعتمد علي نفسك علشان تبقى شاطر وعارف تفهم نفسك بنفسك ....

سعيد : المهم انت بخير يا زين ..وشغلك وجامعتك عملت ايه انت في الاسبوع الي فات دا

زين : بخير والله يا سعيد ...الحاج خميس طلع راجل محترم خالص والله ...وبيعاملني كويس جدا وباحترام واهو خلصت الاسبوع الشغل دا علي خير ....انما بالنسبه للجامعه ما روحتهاش خالص والله يا سعيد ..وبيني وبينك كده انا قلقان خالص وعاوز اروح اسال واطمن فعلا ....معرفتش استاءذن ولا يوم واطلع علي الجامعه اشوف ايه الاخبار فبها في اول اسبوع دراسه ....كنت محرج جدا من الحاج خميس ...كفايه الراجل باحترامه طلع كويس معانا ..وعطاني الفلوس مقدم ..اقوم انا بقي استاءذن في اول اسبوع كده ...كل ما اجي اقوله استاءذن بس ساعه حتي ما اقدرش اقولها ...فقولت اصبر ونعدي الاسبوع دا بالطول وبالعرض واهو الحمد لله عدى علي خير ..وربنا ييسر يا سعيد وان شاء الله خير وما لقيش محاضرات فاتتني ..في حد قالي ان اول اسبةع مش بيكون محاضرات بيبقي ان الطلبه تعرف الجدول بتاعهم وتظبط مواعدهم ..وبيكون لسه في طلبه تانيه لسه بتقدم

سعيد : ماشي خير ان شاء الله يا زين ..ما تقلقش هيطلع فعلا زي ما انت لسه قايل ان اول اسبوع مافيهوش محاضرات

زين : خير يا سعيد انا مش قلقان انا سيبها علي الله ...طاب بقولك ..ايه اخبار اخواتك البنات فرحوا لما عرفوا بالعرسان ..اوعوا تجبروهم علي حاجه ..لو واحده فيهم مش حابه او مش مرتاحه يبقي لازم نحترم رغبتها

سعيد : هما لسه قعدوا مع بعض علشان يوافقوا او يىفضوا يا زين ..ا انا بقول عليك زكي يعني ..اما يقعدوا قعدتهم النهارده ..نبقي ناخد رائيهم

زين : مهو لو واحده رفضت ممكن تكون مش مستعده لفكره الجواز دلوقتي اصلا ..او ان في حد شاغل دماغها بس طبعا من بعيد لبعيد ..انا واثق في اخواتك كويس

سعيد : انت بتقول ايه يا زين ..لا طبعا ما فيش اي حاجه من الكلام دا ..هما موافقين وفرحانين كمان ..بس رائيهم مش هنسألهم غير لما يقعدوا مع العرسان ويقولوا مرتاحين ولا رفضين

زين ؛ ماشي ربنا يفرحهم يا سعيد ..الواحد مش عاوز حاجه غير انه يسترهم والله ..بس الاهم يطمن ان الي هياخدهم هيتقي ربنا فيهم ويراعيهم مش هيفتري عليهم ويستغل ضعفهم وقله وعيهم وادراكهم للحياه ...من الحاجه الي مزعلاني عليهم انهم ما كملوش تعلمهم بجد لو كان بايدي او كنت واعي وقتها كنت منعتهم انهم يوقفوا تعليمهم كده لو بايدي اي سلطه علي البلد دي كلها كنت عاقبت كل اسره وكل اب وام حرموا بناتهم من التعليم بس لمجرد انهم بنات ...انت ما شوفتش يا سعيد الجامعه ماليانه بنات قد ايه متعلمين ..وشغالين فيها ...ما فيش اي فرق في شغلهم نفس الشغل في الجامعه شغاله الراجل والست ..والطلبه مافيش فرق بين طالب وطالبه ...عادي جدا في الطوابير كله زي بعضه ...بل بالع** ...الست او البنت ليها احترام وتقدير اكتر ..لو في اي مصلحه او اي حاجه بالدور القي الراجل يقول للست لا اتفضلي انتي ..انتي الاول طبعا ...مش زي عندنا بنبقي عاوزين نداريهم نخبيهم كانهم عار ..عار علينا وعلي الاسره وعلي المجتمع ...بجد العار الحقيقي هو تفكير كل القريه هنا تفكير عقيم ..تفكير بيضر ببناتهم وحقوق بناتهم

علي : تعرف يا زين انا كمان كان معانا بنت شاطره قوي في المدرسه اسمها سندس كانت ديما المدرس يقولها ليكي مستقبل كبير قوي يا سندس ..بقالها كام قطعت كده من الدراسه وبطلت تيجي ..لحد ما سالت عليها وقالواي تعبانه ومن كتر سؤالي عليها كل مره ...قالولي الحقيقه تنهم قعدوها من المدرسه وما ينفعش تكمل اكتر من كده ...امها قالتلي كده بالنص ..المدارس دي بتاعه الرجاله وماعندناش بنات بتروح مدارس

زين : هو دا الي بتكلم فيه توارث الافكار الفاسده ...جيل ورا جيل ورا جيل ..كلهم مش متعلمين هيربوا اولادهم ازاي ..هو هو نفس التفكير هيورثوه لبعض ...لو كل واحد يمنع الجريمه دي الموضوع دا هينتهي ..بس للاسف عاوز حد ليه سلطه ..يعني انا لو جيت كلمت اهل البنت الي علي بيقول عليها دي ...هطلع فاسد ومش بعقلي او مش بعيد يطلعوني قليل الادب ودماغهم تجبهم لحتجه تانيه خالص ...ما ينفعش تحترب كل العقول دي وانت لوحدك ومماعكش دليل انك صح ...عاوز القي بس بنت من المنطقه اهلها كانوا واعين للاخر وكملوا تعليم بنتهم ..دي الي علي اساسها هبني كلامي مع الناس

سعيد : انت مش عارف ازاي ...هي وحيده في المنطقه كلها الي ابوها علمها ....زينب بنت الحاج صابر ....بنت ادب وجمال فوق الوصف واخلاق ...اتعلمت في الجامعه هي قدك في السن بالظبط ..جالها كليه تربيه ...هو الوحيد الي **م علي علام بنته ..كانت بتبقي رايحه جايه وسط الرجاله في الدروس والمدارس ولحد دلوقتي اهو في وسط جامعتها يا عالم بقي ايه الي بيحصل ...ابوها الحاج صابر ..راجل واعي ..ابنه كان تعبه ومش راضي يتعلم ولا يكمل تعليمه واتحايل عليه كتير وهو رافض وقعد من دراسته ومارضاش يكمل تعليمه..علشان لما ابنه يشوفها كده ويشوف المستوي العلمي الي وصلت ليه يدرك قد ايه هو كان مخطئ وقد ايه هو ما صبرش وحاول يتعلم ....

زين : معقوله زبنت ..زينت بنت الحاج صابر

سعيد : في ايه يا زين هو انت تعرفها

زين : ما اعرفهاش شخصيا بس فعلا ابوها كلمني عنها اول ما روحت اشتغلت وقالي انها مطيعه ومريحاه جدا وبتسمع كلامه ...انما ابنه كان مغلبه ومش بيسمع كلامه ..وكان نفسه يشوفه كبير في السوق ومدرك لشؤن الحياه ..ديما كان يقولي كان نفسي ابني يكون زيك ..بس انا للاسف الي ماعرفتش اربيه ..ومدح كتير في بنته زينب وانه متاكد ان هيكون ليها مستقبل كبير

سعيد : اه علشان كده انا فكرتك شوفتها قبل كده ولا حاجه ..اصلها ساعات بتروحله المخزن فعلا وتقعد معه الحاج صابر مديها مساحه كبيره من الحريه ودا الي مخلي الشباب كلها تتكلم عنها ..انا ولا اعرف الحاج صابر ولا اعرفها . بس من كلام صحابي سمعت منهم

زين : اهي مشكله البلد دي هي اخر كلمه قولتها يا سعيد ...سمعت كذا او سمعت من فلان عن فلان انه كذا ....وفي الاخر يطلع كل الي سمعنه او فاكرين اننا سمعنه يطلع كل دا كذب وافتراء ...بغض النظر عن الموضوع الي بنتكلم فيه

سعيد ؛: ماشي يا زين انت مفكر نفسك هتصلح الكون كله ...عاوز تصلح حال البلد من انهم يعلموا بناتهم وتعمل قانون تجريم لاي شخص يقعد بنته من التعليم بس لمجرد انها بنت ....وكمان هتبطل الناس يسمعوا من بعض وتقولهم اتاكدوا من الكلام

زين : كان في كتاب يا سعيد لو قريته هتفهم كل الي بقوله وكل الي قصدي عليه ..مكتوب فيه بالتفصيل اهميه تعليم البنات ..وان هما الي بيه هينصلح حال المجتمع ..تعرف ان تعليم الاناث اهم كمان من تعليم الذكور ..الانثي هتعلم وراها جيل كامل من اورلادها ..انما الذكر دا كل همه هو يجيب القرش من اين ويكفي قوت يوميه علشان يقدر يصرف علي اولاده ...هدورلك علي الكتاب واقراهولك

بص يا سيدي ..بيقول ايه ...

أهميّة التعليم للمرأة تكمن أهميّة تعليم المرأة بما يعود عليها بالنفع الشخصيّ في عدّة جوانب، منها ما يأتي تجنّب الزواج المُبكّر: إنّ حصول المرأة على تعليمها يُجنّبها الزواج المبكّر، حيث يقلّ زواج القاصرات بنسبة 14% إذا حصلت الفتاة على تعليمها الابتدائيّ، كما يقلّ بنحو الثلثين إذا التحقت بالمدرسة الثانويّة، وبالتالي فإنّ فرصة إنجابها في سنّ مبكرة أيّ أقلّ من 17 عاماً تُصبح قليلة. زيادة الوعي الصحي: تمتلك المرأة المتعلّمة الوعي الكافي حول عملية الولادة، فحسب الدراسات الإحصائيّة يُساهم حصول المرأة على تعليمها الابتدائيّ بتقليل نسبة وفاتها أثناء الولادة بنحوِ الثُلثين، ويعني ذلك إجمالاً حماية حياة نحو 189,000 امرأة في العالم. زيادة الدخل الشخصيّ: إنّ حصول المرأة على التعليم يزيد من دخلها المستقبليّ، فقد أظهرت عدّة دراسات أنّ كلّ عام تحصل فيه الأنثى على التعليم الابتدائيّ يزيد من أجرها المستقبليّ بنسبة تتراوح بين 10 إلى 20%، وأنّ كلّ سنة تعليميّة في المدرسة الثانوية تزيد أجرها بنسبة 15 إلى 20%. تحقيق الذات: يُمكّن التعليم المرأة من تعزيز ثقتها بنفسها، وتقديرها لقيمتها وقدراتها، فتكون امرأةً قادرةً على صنع القرار، خاصةً في أسرتها. تكوين شخصيّة قياديّة: يُساهم التعليم في إ**اب المرأة العديد من المهارات، وتطوير مهاراتها الشخصيّة، الأمر الذي يؤهّلها للحصول على أدوار قياديّة على المستويين المحليّ والوطنيّ، وصناعة القرارات التي تؤثّر على حياتها وعلى مجتمعها الحدّ من التعنيف: تتعرّض العديد من النساء للتعنيف الأسريّ والجنسيّ في بعض المجتمعات، وخاصةً عندما يُنظَر إليها على أنّها عبء اقتصاديّ على الأسرة، لذلك يُبعد التعليم المرأة عن التعنيف الأسريّ بإ**ابها الوعي وقوّة الشخصيّة

وقد ساعدت معدلات الالتحاق العالية بالمدارس الثانوية وبالجامعات بين النساء( ومعظمهم من المتخصصين في الدراسات الجنسانية والدراسات النسائية، ولهذا قدموا مفهومًا كاملًا لتعزيز التعليم العالي للإناث)، ولا سيما في البلدان النامية، في تمكين هؤلاء النساء من شق طريقهن إلى مختلف الوظائف المهنية برواتب وأجور مجزية. ويزيد التعليم من مستوى الوعي الصحي للمرأة( ولشريكها ولعائلتها). وتؤدي مواصلة المرأة مراحلة التعليم إلى تأخر النشاط الجنسي وا****ع الأول، وتأخر سن الزواج، وتأخر الولادة الأولى، فضلًا عن زيادة احتمال بقائها وحيدة، بلا أطفال، أو زواج رسمي، ولكن يساعدها ذلك في تكوين علاقات طويلة الأمد. وقد تزيد من معدل استخدام وسائل منع الحمل الكيميائية( ومستوى أدنى من الأمراض المنقولة جنسيًا بين النساء وأزواجهم وأطفالهم)، ويمكن أن تزيد الخيارات المتاحة للمرأة المطلقة أو المرأة التي تتعرض لحالة من العنف الأسري. وقد تبين بالإضافة إلى ذلك، أن إتمام المرأة مراحل تعليمها، يؤدي إلى زيادة التواصل بينها وبين شركائها وأصحاب العمل، وإلى تحسين معدلات المشاركة المدنية مثل التصويت أو تقلد المناصب

زين : كفايه عليك كده يا سعيد ...انا لو عليا عاوز اروح لبيت بيت وافهمهم ...

يالا بقي قموا غيروا هدومكم دي علشان معاد العرسان قرب كل واحد يجهز نفسه ويلبس احسن لبس عنده لازم نشرف اخواتكم البنات ..وانت يا علي الكلام ليك برضه ..انت بقيت راجل دلوقتي مش عيل صغير ..ماتستناش والدتك تلبسك ..البس بنفسك واختار هدومك بنفسك ..انت كبرت دلوقتي يا علي

*** وبالفعل قاما واستعدا كلا منهم لمقا**ه اهل العرسان وجهزت والده زين ما سوف يتم تقديمه من فاكهه وعصير ..واظهرت كرم الضيافه لهم ...وابلغا والدهم ان الموعد قد قرب ...وان يجهز نفسه ..فساعدته زوجته في تغير ملابسه وخروجه من غرفته الي غرفه الاستقبال ...وذهبت والده زين الي البنات في غرفتهم والق نظره عليهم ..ووجدتهم مستعدين وقد لبسوا هن الاخريات افضل ما لديهم من فساتين واستعدوا لمقا**ه اهل العرسان ...ودق جرس الباب ...وفتح لهم زين وكان في استقبالهم واجلسهم في غرفه الجلوس وجاء والده واخويه سعيد وعلي

زين : نورتونا والله يا جماعه نورتنا يا طارق انت واهلك

سعيد : عامل ايه يا طارق نورتينا يا حاجه ام طارق

طارق : الحمد لله بخير ..انتو عاملين ايه وايه اخبار شغلك وجامعتك في القاهره سمتت انك سفرت القتهره يا زين

زين ؛ اه يا طارق والله اول اسبوع ليا كان الي فات دا والحمد لله عدى علي خير ..مش هتعرفنا ولا ايه يا طارق

طارق : دا ابويا الحاج ابو حسين ....ودا حسين اخويا الكبير ...ودا احمد اخويا الوسطاني ..ودي الحاجه ام حسين

ابو زين : اهلا وسهلا تشرفنا بمعرفتكوا ...انا والد زين ..ودا زين ..ودا سعيد ..ودا بقي علي اخر العنقود زي ما بيقولوا الشقي بتاع البيت عقبال لما يعقل كده شويه

الحاج ابو حسين : ديما كده اخر العنقود بيبقي شقي يا حاج خليه يتدلع بكره يسندك ويشيلك ..هو تربيه العيال محتاجه مجهود من الصغر بعد كده العيل يكبر متربي يحترمك ويحترم الناس وما يغلبكش ابدا

زين : ونعم التربيه يا ابو حسين ...اولادك كلهم ما شاء الله واضح عليهم التربيه وحسن الاخلاق

ابو حسين : بص يا حاج ابو زين ...احنا جاين نتقدم ونطلب سعاد لحسين وهنا لاحمد ...بس بستسمحك نتعرف علي العرايس ونشوفهم

ابو زين : اكيد طبعا يا ابو حسين ....انده علي والدتك يا زين واقولها تجيب اخواتك البنات

زين : حاضر يا بابا

وذهب الي امه واخبرها ان تحضر اخوته ليتعارفا علي العرسان

وبالفعل حضر العروستان سعاد وهنا ..وسلمت ام زين علي ام حسين

ابو زين : دي سعاد الكبيره يا ابو حسين ...ودي هنا اصغر من اختها بسنه واحده

ابو حسين : ما شاء الله ما شاء الله ..عروستين قمرات احلي من بعض ما يتخيروش عنكم في الادب والاخلاق والله ..تعالي يا سعاد اقعدي هنا جنب حسين ..تعالي يا هنا اقعدي هنا جنب احمد ....يا يدي النور يا دي النور ...عرفتوا تنقوا والله يا ولاد ...انا اصلي يا ابو زين ..قولتلهم اختاروا انتو العروسه وانا هروح اخطلهالكم ..انما انا الي اختارله محبتش الموضوع دا ..هو الي يختار عروسته بنفسه ويبقى اخدها عن اقتناع

زين : فعلا يا حاج ابو حسين انا معاك وموافق جدا علي كلامك ..لازم كل شاب يكون له حريه الاختيار

ام زين : اتفضلوا اشربوا يا جامعه

وقامت ووزعت العصير علي كل الضيوف ...وكان احمد ينظر لهنا نظرات خفيه وكان حسين ينظر الي سعاد نظرات خفيه ايضا ..ولكن البنات هنا وسعاد كانوا في قمه الاحراج والخجل ..فهذا اول عريس يتقدم لهن ..بالاضافه الي انهم لم يخرجوا من بيت والدهم باستمرار ..فنادرا حدا ما خرجتا لشراء اي شئ اذا كان اخواتهم الثلاثه ليسوا موجودين ...انما لو موجودين ولو حتي علي فهو من يقوم بجلب مستلزمات البيت

وظل الاهل يتحدثون عن بعضهم البعض ويتعارفون الي ان انتهت الزياره ..ولكن لم يحدث اي حديث بين العرسان ..فهم فقد عرفا شكل بعضهم لبعض ..فالموافقه الاولي والمبدائيه سوف تكون بنأ علي الشكل فقط ..

زين : ايه رائيكم يا بنات ..ايه رائيك يا سعاد انتي وهنا

سعاد : الي تشوفه يا زين احنا موافقين علي رائيك

زين : انا عارف انكوا من حقكوا تتكلموا معاهم ..ما ينفعش اوافق علي واحد هعبش حياتي كلها معاه لمجرد شوفت شكلها وشكلها عجابني ....انا هقول لوالدك انكم كوافقين موافقه مبدأيه ...ولازم زياره تانيه للعرسان بس حتي ..علشان تقعدوا وتتكلموا مع بعض ..والكلام هبسهل عليكم فهم شخصيه بعض اكتر ..ووقتها ابقوا قولوا رائيكم بكل وضوح وصراحه من غير اي تردد دا هيبقي حقكم ..ودا ولا عيب ولا حرام ...لو موافقين تمام عرفوني وابلغ الحاج

هنا : موافقين يا زين ..لان انا مش عارفه ..ولا حتي حاسه اني مبسوطه ...

ام زين : بت يا هنا ...بصوت غضب ونرفزه ...من امتي في بنات بتقول رائيها في جوازتها

زين : لا يا ام زين مالكيش حق في دي ..بناتنا فوق راسنا وجوه عنينا ...مهماش قعدبن علي قلبنا ومضايقين من وجودهم ونرميهم مع اول عريس يجلهم ....بناتنا غالين قوي ويتشرطوا كمان وليهم حق الرائ بالموافقه او الرفض

اتفقا زين مع اخواته ان يكلم اهل العرسان ويقزموا بزيارتهم مره اخري ..ولكن في هذه الزياره يكون لكل منهم حق في التحدث مع عريسها ..لكي تقول رائيها بكل صراحه وعن طيب نفس وخاطر منهن

وبالفعل اتصل زين علي طارق واخبره

زبن : عامل ايه يا طارق والعرسان عاملين ايه

طارق : بخير والله يا زين وسعيد عامل ايه

زين : بخير يا طارق ..كنت عاوز ابلغك ان البنات طالبين زياره للعرسان تانيه ..لانهم لسه مش عارفين شخصيتهم ولا عارفين يوافقوا علي اساس ايه

طارق : حاضر يا زين هبلغهم وارد عليك ..النهارده علي طول ان شاء الله

زين : تمام في انتظار مكالمه منك يا طارق وبلغ سلامي ليهم

،،، لم ينتظر زين طويلا فسرعان ما رن هاتفه ووجد المتصل طارق يبلغه بموعد زياتهم

طارق : انا بلغتهم اهو يا زين وهما الاتنبن فاضين علي الساعه سبعه كده يكونوا عندكم ان شاء الله ....هما هيجوا لوحدهم بقي الحاج والحاجه مش هيجوا معاهم ..علشان يكونوا العرسان علي راحتهم في الكلام

زين : تمام يا طارق الله ينور عليك ..وقولهم احنا في انتظارهم باءذن الله

...انهى زين المكالمه مع طارق وذهب مسرعا واخبر والدته بان العرسان سوف ياتون اليوم الساعه السابعه لكي يتحدثوا مع البنات كما طلبوا منهم

زين : انا لسه مخلص مكالمه مع طارق يا حاجه ...بيبلغنا ان احمد وحسين جاين الساعه سبعه ان شاء الله النهارده باليل ..قولي للبنات علشان تجهز حالها وتستعد للزياره ..وعرفي كل بنت فيهم هتتكلم في ايه و هتسال في ايه

ام زين : هيتكلموا في ايه ...احنا مكنش في علي ايامنا كده يا زين ..دا العروسه ماكنتش بتشوف عرسها غير يوم الفرح وهي في شقتها كمان ...انما بنات اليومين دول بيتدلعوا ...مهي شافته المفروض خلاص بقي تقول موافقه ولا لا ..مش لسه عاوزه تقعد معاه وكمان نعرفها تساله في ايه

زين : من حقها ...من حقها يا ام زين ...العروسه زي العريس بالظبط ...يعني هو لو كان الع**. ..وهما الي اتصلوا وقالوا العرسان عاوزين يقعدوا تاني مع العرايس ...كنا هنقول وقتها ايه ...هنقول عاوزين ايه تاني هما مش شافوهم مره ونرفض انهم يجوا

ام زين : دي غير دي يا زين ...الراجل من حقه يتاكد من شريكه حياته ...مش هي الي هتربي عياله وتشيل اسمه

زين : للاسف يا حاجه التفكير دا كله غلط ..وانا اسف اني بقولك كده ..بس بناتنا دول جواهر عندنا ..مش هطلع الجوهره غير للي يستحقها ..هي زي ما انتي قولتي كده الي هتربي والي هتشيل اسم جوزها والي هتصونه ..الي شغلها جوه بتها اهم مليون مره من شغل الزوج بره البيت ..هي الي بتاسس وبتزرع حب ....الزوجه دي بعد كده تبقي ام ..وتبقي مدرسه لجيل بحاله وباكمله ..وللاسف كل التفكير الي في القريه دا اساسه الامهات الي تفكرهم غلط وبيطلعوا جيل كامل بنفس التفكير الغلط دا

ام زين : هما بناتي يا زين وجوه عنيا وغالين عليا ..بس مش عاوزه حد يتكلم عليهم كلام وحش ..يعني لما الناس تسمع ان البنات هي الي طلبت تشوف عرسنها تاني ..هيقولوا عليهم ايه بس ..دا الي زعلني ..انما اكيد نفسي افرح بناتي ويبقوا راضين عن جوازتهم مش اخدينهم غصب ..ما انا امهم يا زين واكتر واحده نفسي اشوفهم مبسوطين في حياتهم

زين : هما ما طالبوش حاجه غلط ولا حرام يا حاجه ..يبقي سعاده بناتنا اهم وفوق الكل ..اهم من كلام الناس نفسه الي مالوش لازمه في حياتنا ...هما هما نفس الناس الي احنا خايفين يتكلم ا علي بناتنا دلوقتي ..لو البنت اتجوزت غصب ومش عارفه ترتاح في حياتها وجات لجأت لينا ..برضه هتعمل حساب كلام الناس فوق حستب راحه بنتنا مش كده ..وهنرجعها بتها غصب عنها ...ولو في بنت هنا هي الي عاوزه تطلق من جوزها ولجأت لاهلها ..اهلها هيرفضوا برضه ..دا ليه بسب التخلف والتقاليد وان ماينفعش تطلبي انتي الطلاق باي حق ..وكلام الناس تبقي مطلقه وكل الكلام الي مالوش لازمه دا ....لو كل الناس فضلت تفكر كده هنفضل نقهر في بناتنا ..وكل بنت وحظها بقي ..لو زوجها كان بيتقي ربنا فيها مش هتحس بقهر ولا حاجه وهتفضل في نفس التفكير زي ما انتي لسه بتفكري كده لحد دلوقتي ...انما لو زوجها كان مطلع عنيها ومزهقها ولا في رجاله ما يستحقوش كلمه رجاله دول هتلاقي زوجاتهم بيدعوا ليل نهار علي ازواجهم او اهاليهم كمان الي كانوا السبب في حياتهم بالعيشه دي

ام زين : انت فكرت في كل الحاجات دي ازاي يا زين

..ازاي دماغك فكرت كده مع ان المفروض الي تحس كل الحاجات الي وضحتها دي تكون بنت

زين : احنا عندنا بنات يا ام زين ..المفروض نحس بيهم ونخاف عليهم ...وانا بفكر في زوجتي برضه هعاملها ازاي وهعرف اتقي ربنا فيها ولا لا ...وبفكر في بناتي برضه ...مش معنى علشان انا راجل ما افكرش في مشكله البنات دي ولا احاول احلها حتى ...انا اتعودت الحاجه الي ما تعجبنيش ما بسكتش عليها ...لازم اتكلم واخد حق الي مش عارف يتكلم ولا يجيب حقه ..ما اتعودتش اسكت يا حاجه ..وعموما ان شاء الله حال البلد دي كلها يتصلح وبناتنا تفضل متصانه وحقها محفوظ

ام زين : يارب يا زين يابني ...ويكملك بعقلك يا حبيبي ويخليك لاخواتك وديما تكون واقف جنبهم كده ويقدرك وتعرف تجهزهم وتسترهم يا زين ..هقوم انا بقي الحق ابلغ البنات واعرفهم ..علشان يعملوا حسابهم يكونوا جاهزين الساعه سبعه زي ما بتقول ..والحمد لله عندنا حاجات نقدمها من بو**ي امبارح علشان نضايفهم بيها

*** وذهبت ام زين لتخبر هنا وسعاد بموعد الزياره