GAYA ng mga nakalipas na araw na wala sa tabi niya si Maruja para kausapin siya, tulala na naman si Daisy. Nakatanaw siya sa labas ng apartment pero wala namang particular na tinitingnan. Sa mga ganoong pagkakataon, isang tao lang ang laman ng isip niya. Hindi niya maintindihan ang misteryo ng utak. Bakit kailangan bumalik nang bumalik sa isip ang taong ayaw na nga isipin?
Kuya Ed naman, eh. Sige na, umalis ka na sa isip ko, oh? Patahimikin mo na ako, please? ‘Wag mo na akong saktan…
Napapitlag siya sa tunog ng kanyang cell phone. Inilabas niya ang gadget sa bulsa para tingnan ang tumatawag. Unregistered number? Baka isa sa mga kaklase niyang kumuha ng number niya dahil sa group report.
Mali si Daisy. Isang babaeng nagpakilalang taga-Pulosa ang nasa k
