"Joke lang 'yong tungkol sa boyfriend!" bawi ni Daisy; nakangiti na. "Pareho talaga kayo ni Tatay. Tara na sa store—" pinigilan nito ang braso niya kaya napasandal uli siya sa upuan.
"Gusto mo bang maranasan kung ano'ng pakiramdam na may boyfriend?"
"Oo...pero dapat sa tamang tao."
"Tamang tao?"
"'Yong lalaking pasok sa check list ko ng Mr. Right."
"At 'pag hindi pasok?"
"Walang boyfriend."
"Ang lupit, ah!" tawa ni Edgar.
Ngumisi siya. "Ganoon talaga. Pasok sa list dapat!"
"Paano kung mahulog ka sa isang Mr. Wrong?"
"Hindi mangyayari 'yan."
"Sigurado ka?"
"Sigurado."
"Kung ako ang mamarkahan mo, saan ako 'pasok?"
"Mr. Wrong!" Kasunod ay nginisihan niya ito.
"Na hinding-hindi mo mamahalin?"
Hindi siya nakasagot, napatitig lang sa mga mata nito. At habang nagtatagal na nakati
