Lagpas dalawang buwan na mula nang bumalik si Delta pero hanggang ngayon wala pa rin akong makitang dahilan kung bakit pinili niyang sa bahay ko tumira. Hindi ako naniniwala sa ibinigay niyang rason. Alam ko na may itinatago siyang motibo. Kaya kong sumabay sa ganitong klaseng laro pero sisiguraduhin ko na hindi ako ang talo sa bandang huli.
Minsan hindi ko maiwasan na hindi mairita sa kanya. Malamig ang pakikitungo niya sa akin at may pagkakataon na tinitingnan niya ako nang pailalim na para bang napakaliit ang uri ng pagkatao ko. Bilang ganti, gano'n din ang ginawa kong pagtrato sa kanya.
Pauwi na ako ng bahay matapos ang tatlong linggong pamamalagi sa Puerto Princesa dahil may ipinapatayo kaming hotel doon. Iyon ang panglabing-isa sa mga pag-aari namin at pinakaprestihiyoso sa lahat.
