Niyaya akong lumabas ni Kate. Ang kailangan ko raw ay magrelaks kahit ngayong gabi lang. May binanggit siyang bagong bukas na bar sa kahabaan ng Makati Avenue. Bukambibig ng mga nakapunta roon na maganda raw ang ambience ng lugar. Kinulit niya ako nang todo kaya sa huli ay pinagbigyan ko siya.
Tinawagan ko si Brian at tinanong kung gusto niyang sumama. Pagkakataon na rin ito para maipakilala ko siya kay Kate. Tinanggap kaagad niya ang aking imbitasyon at aming napagkasunduan na ro'n na sa Ivy Record Bar magkikita.
Naunang dumating si Kate at nahagip kaagad ako ng paningin niya pagbaba ko pa lang ng sasakyan. Masaya niya akong sinalubong. Nakipagbeso-beso siya bago niya ako niyakap.
"What do you think of this place?"
"It looks great!"
Inilibot ko ang aking paningin. Tatlong palapag
