Natatawa ako sa inasal ni Sean, para siyang batang nakikipag-agawan ng laruan. Pero nakakataba rin ng puso na malamang gusto niya akong makasama ngayong araw na ito. Ang kaso wala akong maisip na magandang dahilan para tumanggi kay Michael.
Nagpalit lang ako ng damit matapos mag-almusal at tumuloy na kami sa bahay nina Thelma. Nakabihis na rin siya kaya dumiretso na agad kami sa TriNoma, ang pinakamalapit na mall mula sa tirahan niya. Inihatid lang kami ni Michael do'n at sinabing babalikan na lang kami upang sunduin.
"Pasensya ka na Ma'am Delta. Ikaw pa ang inabala namin," saad ni Thelma.
"I'm glad to lend a helping hand. Saka, don't you think Ma'am Delta is overrated? Delta na lang ang itawag mo sa akin. Mukhang magiging magkaibigan naman na tayo," alok ko.
"Hindi ba nakakailang 'y
