NAGPADALA NG mensahe si Trutty kay Blumentritt na nagsasabing nasa doctor’s lounge siya at humingi ng permiso na makadalaw kay Alana. May pamimilian si Trutty. Maaari siyang umalis na lang at huwag magpakita kay Blumentritt tutal ay nalaman na niya ang mga kailangan niyang malaman. Ngunit hindi niya magawang umalis na hindi man lang nasisilayan si Blumentritt. Nais niyang masiguro na maayos din ang kalagayan ng binata.
Hindi sumagot si Blumentritt sa mensahe. Nagpasya siyang umuwi na lang at maghintay ng tamang pagkakataon. Lalabas na sana siya ng lounge nang bigla na lang iyong bumukas at nakita niya sa kabilang panig si Blumentritt.
Ilang sandali na nagkatitigan lang silang dalawa, hindi makagalaw sa kani-kaniyang puwesto. Kaagad nakaramdam ng habag si Trutty sa nakikitang anyo ni Blu
