“MUKHANG NAG-ENJOY kayo sa party ni Rae kagabi.”
Iyon ang narinig ni Blumentritt na sinabi ni Zane pagpasok niya sa dining area. Nasa kalagitnaan na ng pag-aalmusal ang mga kasama. Tahimik siyang naupo sa puwesto at kumuha ng pagkain. Mamaya pang hapon ang schedule nila.
“Good morning, Grumpy,” ang bati ni Zane sa kanya.
Hindi sumagot si Blumentritt at patuloy lang sa pagsubo ng almusal. Ilang araw nang ganoon ang palayaw sa kanya ng mga kasama. Halos hindi na kasi mabura ang simangot sa kanyang mukha. Alam niya na sinusubukan siyang intindihin ng apat ngunit hindi mapigilan ng mga ito na mainis din sa inaasal niya.
“Kung nagsasabi ka lang kasi ng nararamdaman mo, mas magiging madali ang lahat,” ang sabi ni Estong sa kanya kagabi.
“What are we, p*****s?” ang naiinis na tugon niya. “
