"Miss Yna, pinapatawag ka ni Sir Ethan," tawag sa kanya ni Ate Rosie kaya napahinto tuloy siya sa ginagawa niyang pagpupunas ng salamin na bintana.
"Bakit daw po?" pag-uusisa niya kay ate Rosie.
Ang lalaking 'yon nakakainis talaga! Masyado siyang pinapagod.
Nagkibit-balikat ito at pagkatapos ay umiling-iling. "Hindi ko rin alam, eh. Puntahan mo na lang s'ya."
"Baka naman po niloloko lang kayo no'n, Ate Rosie. Baka hindi Yna ang pangalan na ipinapatawag n'ya. Hindi kaya Yana? Lana? Maria? Purita? Kurdapya? Baka katunog lang ng pangalan ko ang hinahanap n'yo, Ate Rosie," pahayag n'ya rito.
Kagagaling lang kasi n'ya sa opisina nito dahil nga raw pinapatawag s'ya.
Pagdating niya naman doon wala raw itong sinasabi kaya napakamot na lang sa ulo ang taong tumawag sa kanya na kasamahan niy
