Natulala ako sa mga sinasabi niya. Ni hindi ako nakagalaw kahit nung inayos niya ang suot kong damit pantulog dahil bahagya iyong nakataas.
"And by the way. Pack some things because you're coming with me tomorrow. Dala mo naman siguro ang passport mo hindi ba?" wika niya pa kaya nanlaki ang mga mata ko.
"What?!" gulat kong bulalas sa narinig.
Kumunot ang noo niya sa reaksiyon ko kaya napalunok ako.
"B-Bakit ako kasama? Business event yun eh! Anong alam ko sa ganun!" mabilis kong rason.
Hindi pwede! Wala akong passport! Hindi namin napaghandaan ni Natasha to eh!
“It’s okay. It’s just a gathering. Naisip ko lang na magdala ng asawa since meron naman ako nun. Makakaganda yun sa imahe ko lalo na sa mga big time client kong family oriented. So, you’re going with me.” saad niya pa.
