DUMILAT si Virginia nang mawala ang liwanag na kanyang nakikita. Naputol na ang tila panonood niya sa nangyayari.
"Tama ba ang nakita ng aking anak? Ang matandang tinutukoy niya, siya ba ang inyong ama?" tanong ni Teresita. Nakatuwid ito sa pagkakaupo na tila nagko-concetrate pa.
"Oho Madam. Siya nga ang aming ama!" magkasabay na pag-sagot ng magkapatid.
Napalunok ang ginang, "Imposibleng natsambahan lang ni Virginia ang mga sinabi niya. Hindi namin kilala ang tatay ng dalawang ito para magawa niyang i-describe. Pati ang lugar ay alam din niya! Napaka imposible!'' Ang pagkamangha ay hindi ipinahalata, ipinagpatuloy nito ang pagkukunwaring ang mga sinabi ng anak ay hindi lingid sa sariling kaalaman. Pinukol nito ng makahulugang tingin ang dalaga, "Ano na?" Pahiwatig ng tinging iyon.
Da
