PAG-UWI niya ng Maynila ay kaagad niya itong pinuntahan sa condominium na tinutuluyan nito. Umaasa siya na sana ay hindi nito kasama ang kanyang Mama Amelia. Nagdala rin siya ng pagkain para sa babae.
Pinagbuksan siya ni Ara ng pinto.
“Anong ginagawa mo rito? Dalawang linggo kang nawala. Saan ka ba galing?” tanong sa kanya ni Ara. Hindi niya pinansin ang tanong nito dahil wala naman siyang balak na sagutin ang tanong nito.
“May dala akong pagkain,” wika niyang tuloy-tuloy na pumasok ng condo at nilagay sa mesa ang mga pagkaing dala.
Hindi niya alam kung bakit hindi niya magawang mainis sa babae kahit pa pakiramdam niya ay nagiging sagabal ito sa kanyang buhay. Siguro ay masaya lang talaga siya ngayon dahil sa pagkakabalikan nila ni Eunice.
Napatitig siya kay Ara nang umupo ito sa sofa
