ALAM ni Alfonso na mali ang magmahal siya pero hindi niya kayang pigilan ang kanyang puso lalo na kapag nakikita niya si Nicole. Gusto niya itong palaging makita at makasama. Gusto niyang pasayahin ito. Siya kasi ang nalulungkot kapag hindi niya ito nakikitang masaya.
Kung minsan ay tinatanong niya ang Diyos kung bakit niya pa nakilala si Nicole. Sana ay hindi na siya nagdadalawang isip ngayon at maging ang kanyang mga magulang niya mabibigo.
“Flower farm?” bulalas ni Nicole nang sabihin niya na pupunta sila sa flower farm. Namana niya iyon sa kanyang lola nang mamatay ito at ngayon ay naging negosyo niya na at pinamamahalaan ng kanyang pinsang si Anton. Nang lumabas siya sa seminaryo ay tumutulong na siya sa flower farm pagkatapos nilang magbukas ng flower shop.
“Bakit ayaw mo ba?” na
